Ást mín á hljómsveitinni Daft Punk hefur alla tíð verið heit og á stundum svolítið sveitt. Eins og 12 ára guttinn sem sagði föður sínum árið 1977 eftir að þeir sáu Star Wars í bíó að hann ætti sér enga ósk heitari en að eignast geislasverð, hefur mig alltaf langað í hjálm og hanska eins og Thomas Bangalter. Ég fæ tryllta nostalgíu við að rifja upp árið 1996 þegar ég og Magnoose sátum síðkvöldum yfir arfa slökum partyzone þætti á mtv í von um að sjá Daft Punk vídjó af þá nýútkomni Homework. Í dag er þetta öllu aðgengilegra á Youtube og á vafri mínu rakst ég þessa klippu sem sýnir hvaðan sömplin sem þeir nota koma.

Það er nákvæmlega svona sem á að smala með stæl. Þarna er ekki einhver einhver gaur í ljósbrúnum Timberland skóm með gullkeðjur að smella langþreyttum takti undir vel þekkt Sting eða Stevie Wonder lag og kallandi sig svo hitt-meiking-pródúser. Þarna er verið að grafa upp löngu gleymdar og oft ófáanlega gersemar. Þær svo klipptar, skekktar, skrúfaðar og glæddar nýmóðins tíðnisviðum í þeim göfuga tilgangi að fá ólíklegasta fólk til að stjórnlaust hrista mjaðmirnar. Í slíka endurvinslu þurfa menn skills. Ég meina kommon það eru ekki allir sem hafa hjarta og þor í að taka bút úr Barry Manilow og gera úr því fyrsta sætis hittara (að sjálfsögðu með fullri virðingu fyrir legendinu B.M.).

Fyrir þá allra hörðustu, tjekkið á trailernum fyrir Electroma. Svo hönnuðu þeir þetta súper svala stofuborð á sínum tíma fyrir Habitat sem mætti hvenær sem er prýða stofu mína.

February 26th, 2007 | 2 svör

Snjóstormurinn(hreinsi eldurinn) er svo sannalega kominn til Danmerkur. Hér er allt á kafi í snjó og það tók mig tæpa tvo tíma að komast með metró og lest á skrifstofuna í morgun. Mér leið svolítið eins og ísmanni þegar ég komst að því að allir aðrir starfsmenn fyrirtækisins eru heima í dag vegna snjós. Danir alltaf jafn hissa á hverju ári að það sé kominn snjór. Hvad? Sne? Nu?

Síðasta færsla sagði frá yfirvofandi glötun Danmerkur. Snjóstormurinn virðist þó hafa kveikt lítið ljós og vakið von. Ruslakarlarnir eru komnir aftur til starfa og berbrjósta umferðardömurnar eru frosnar í hel. Fyrsta sem kemur flestum í hug þegar Danmörk er nefnd er bjó… Lego. Lego er öllum kært og vekur upp hlýjar minningar hjá flestum. Þetta 74 ára fjölskyldufyrirtæki sem hefur verið stollt dana í svo marga áratugi er búið að vera týnt og í tómu rugli undanfarin ár og hafa reglulega borist fregnir af gjaldþroti. Í þessu frábæra sjónvarpsviðtali segir Jørgen Vig Knudstorp, CEO-inn hjá Lego, á einlægan og trúverðugan hátt fyrir hvað Lego stendur og hvar rætur þess liggja og hvernig fyrirtækið muni rísa úr öskunni eins og fuglinn Fönix á árinu 2007.

Smellið hér til að horfa. (Einstaklega skemmtilegt fyrir áhugafólk um dansk-enskan hreim)

February 22nd, 2007 | Engin svör