Haukur.net

Dóttir mín

haukur — Sat, 10 May 2008 14:58:19 +0000

Hérna eru myndir af litlu snótinni okkar sem fæddist 6.maí. www.haukur.net/mainott

Gömul kona í kaupbæti

haukur — Thu, 10 May 2007 11:17:11 +0000

Það hefur verið lítill tími aflögu undanfarið og því ekki mikið sett hingað inn. Búin að vera mikil yfirvinna í køb ting ásamt því að við Sunna fenguð nýju íbúðina. Öll kvöld því búin að fara í að koma íbúðinni í stand svo hægt sé að flytja inn um helgina. Það er einmitt aðal inntak þessara færslu. Hjálp! Planið er að mála íbúðina á föstudag og laugardag en flytja svo inn á sunnudaginn. Allar auka hendur eru vel þegnar. Fullskipað virðist vera í flutningana en þeir sem hafa tíma til að grípa í pensil í 1-2 tíma á morgun eða hinn verður tekið fagnandi með veigum og æsispennandi frásögn af gömlu konunni sem fylgdi með íbúðinni í kaupbæti.

Inflastikas

haukur — Wed, 25 Apr 2007 09:45:02 +0000

Lítið verið að gerast hér á síðunni uppá síðkastið enda mikil törn í vinnunni eins og stendur. Gat þó ekki orða bundist yfir eftirfarandi. Góðvinur minn og hljómsveitarmeðlimurinn Jonas Graverholt á sér hliðar-sjálf þegar hann leikur með hljómsveit sinni Inflastikas. Hljómsveitin er skipuð dönskum æskuvinum Jonas og spila þau á bjórflöskur með stút á munni.

Hér er videó af þeim að spila læf sem enginn má láta fram hjá sér fara, þvílík er spilagleðin og samræmingin.

Áhugasamir geta séð þau í lifandi mynd á Roskilde festival í ár.

New York fever

haukur — Sun, 15 Apr 2007 17:18:21 +0000

New York-búinn Ziggy Palmer er staddur hér á landi þessa dagana. Frá því ég kynntist honum hefur aldrei farið framhjá mér hversu mikinn metnað maðurinn hefur fyrir hreinum bílum. Hvort sem ekið hefur verið um á Lada Safir (geimsteinn sem seinna varð mín eign) eða öðrum verðmeiri eðalvögnum þá eru þeir alltaf stífbónaðir og glansandi hreinir. Í gær var ég þess heiðurs njótandi að hljóta einn á einn kennslu í alþrifi á bílum frá Zalmer. Þriggja klukkutíma Vax on Vax Off á Ægóinum hennar Sunnu (hún er sko útí NY, supplæs pikköpp skiluru) á meðan Siggi tókst á við ögn stærri bifreið á sama tíma. Hverrar mínútu virði. Til að njóta árangursins í góða veðrinu sem var í gær var rúllað niður í bæ á bílnum hans Sigga. Nú verður þetta áhugavert. Í kyrrstæðri bílaröð niður Skólavörðustíginn dúkkar upp farþegamegin ölóður ógæfumaður með bokku í teygðum brjóstvasanum og brennandi filter í hvítum munnvikunum. Maðurinn taldi sig greinilega eiga í einhverjum útistöðum við bifreiðina og byrjar að þjösnast á nýbónuðum og glansandi hliðarspeglinum og gerir sig líklegan til að reyna ná honum af. Áður en tími gafst til að blikka augum var okkar maður Ziggy Palmer rokinn útúr bílnum í Nú Jork stundarbrjálæði á borð við það sem maður hefur lesið um, heyrt sungið um og séð svo oft í bíómyndum vestan af hafi. Með augnaráð sjóðheits ítalsks pulsusala sem búinn er að standa úti á götuhorni allan daginn í hitabylgju, æðir Salmer upp að ógæfumanninum og á við hann snögg og hnitmiðuð orðaskipti með kreppta hnefa til að undirstrika heiftina. Við þessa ógnun sem átti sér stað á innan við 3 sekúndum biðst speglajuðarinn vægðar og hrökklast undan með foglumæltan afsökunartón og ótta í augum eins og hann hafi séð draug. New York er stór borg þar sem hættur leynast á hverju horni. Þarna var á ferðinni hvítur maður sem býr í svartasta hverfi Brooklyn og lætur ekki eyðileggja fyrir sér 3 tíma bón-djobb. Verst að taglið fékk fyrir stuttu að fjúka.

Björk í höllinni

haukur — Tue, 10 Apr 2007 01:10:56 +0000

Mér hefur alltaf fundist leiðinlegt að þurfa að viðurkenna fyrir útlenskum vinum og kunningjum að hafa aldrei farið á tónleika með Björk. Why not? Hafa verið vinsæl viðbrögð hjá þeim. Næst þegar ég verð spurður get ég svarað stoltur “Hell yeah!!!” því ég var að koma af tónleikunum með henni og Hot Chip. Frábærir tónleikar!!! Antony kom og söng með Björk lag af nýju plötunni Volta og fékk það hárin til að rísa. Nýju lögin hljómuðu vel og lofa góðu. Fátt var þó jafn töff og þegar Björk fékk alla raftónlistarnörda í húsinu til að pissa í buxurnar þegar hún lyfti hulunni af reacTable. Mikið hefur verið talað um reacTable á raftónlistar bloggum eftir að þetta vídjó byrtist á youtube í lok síðasta árs og hafa sumir sagt að þetta muni breyta hvernig raftónlistarmenn komi fram.
http://www.youtube.com/watch?v=WEDia3CFdfg

Reactable er raftónlistar undur þar sem margir notendur geta samtímis haft áhrif á tónlistina með því að leggja kubba sem geta táknað mismundandi filtera, generatora eða modulatora á upplýst borð.

Hot Chip mættu svo eldhressir á svið á eftir Björk og spiluðu lög af óútkominni plötu sinní í bland við gamla slagara. Einn meðlima (þessi í rauðu skyrtunni) fór á kostum með fáránlega mjúkum danshreyfingum í anda crazy legs.

Fylkið leyst

haukur — Tue, 27 Mar 2007 19:22:14 +0000

Margt búið að gerast eftir síðustu færslu. Skilaði verkefninu, missti næstum því tvisvar af fluginu heim, var knúinn til að skilja bestefars hjólið mitt eftir sökum sprengjuhættu, byrjaði í nýrri vinnu og bíð nú eftir að fara út að verja verkefnið. Hef ekkert heyrt í kennaranum ennþá sem þýðir sennilega að hann hefur fundið ávísunina aftast í skýrslunni. Bý nú á Fakkastígnum þar til við fáum Stóragerðið afhent í byrjun maí og er kominn með nýtt gsm símanúmer sem er 8566930. Fékk nýjan síma með svaðalegri myndavél og því von á flóði af myndum inná myndabloggið. Fór að sjá Weapons spila um daginn, hörkugott og glaðvært rokk í anda Pixies og fantagóður söngvari. Nóg af spennandi tónleikum framundan. Blonde Redhead á skírdag og Peter Björn and John 12.apríl á Nasaret. Nouvelle Vague 27.apríl í Listasafninu og svo Björk í Höllinni. Calm, fitter, healthier and more productive.

Meirasíðarmeir.

Líður eins og tvívíðu fylki

haukur — Mon, 05 Mar 2007 16:23:26 +0000

Vika í skil og ég er sveittari en lúsugt og leðurklætt ljón. Stefni að því að klára forritið í kvöld og skrifa svo skýrsluna það sem eftir er. Mér finnst réttlátt að ég vakni í fyrramálið og það sé búið að skrifa skýrsluna fyrir mig þar sem að ég fór með fjóra poka af fötum í hjálpræðisherinn í síðustu viku. Það er svo auðvelt að finna sér eitthvað annað að gera en að læra. Var til að mynda að viðra sjálfan mig á föstudaginn og gekk framhjá verslun sem selur vígalega og verklega flutningakassa. Féll í trans og keypti tíu stykki, fór með þá heim og pakkaði niður öllum mínum veraldlegu eigum á 54 mínútum. Allt var vandlega flokkað og allir kassar merktir. Þetta er svo ólíkt mér og lyktar langar leiðir af lærileiða.

15 ára anarkista unglingar með molotov kokteila og múrsteina er það sem allt hefur snúist um hér um helgina. Þessi skríli skemmdu og brenndu bíla og aðra hluti íbúa norrebro og fyrir það þykir mér sanngjarnt að rassskella þau opinberlega með naglaspítu. Besta í þessu öllu saman var þó að það eina sem þessir 300 krakkar fengu að éta í djeilinu var burger frá aðal merki alþjóðlegs kapítalisma, McDonalds.

Rydning af Ungdomshuset er i gang

haukur — Thu, 01 Mar 2007 13:05:23 +0000

Klukkan 7 í morgun byrjaði politiet að rýma Ungdomshuset á nörrebro. Sikkerhed-nælu pönkararnir er því allir mættir með gælurotturnar sínar og láta múrsteinana dynja á löggunni. Davíð er okkar maður á svæðinu og er búinn að pósta nokkrum on field myndum á flickrinn sinn. Svo geta áhugasamir kíkt á dönsku tíu fréttirnar. Í hvert sinn sem ég heyri umfjöllun um þetta þá kemur alltaf uppí hug mér lagið Police men in the street, arrest me með Jóni Gnarr og Nefrensli.

Mike Strutter

haukur — Thu, 01 Mar 2007 12:31:03 +0000

Þegar ég var að fara sofa í gærkvöldi kveikti ég á sjónvarpinu svona rétt til að steindrepast úr leiðindum yfir enn einum danska raunveruleikaþættinum og sofna því fljótt. Ég lennti hinsvegar á þætti á MTV með snillingi einum að nafni Paul Kayne þar sem hann bregður sér í gervi Mike Strutter’s. Mike Strutter er orðljótari en allt og minnir mann ótrúlega mikið á kókaínsniffandi lögfræðinginn sem Sean Penn lék í Carlito’s Way. Eins og allt þá er hægt að finna nokkrar klippur úr þáttunum hans á YouTube. Hér er sú besta sem ég fann.

http://www.youtube.com/watch?v=Yw9eiVeZjmo

Nokkrar fleiri góðar hér.

Góði hirðirinn Daft Punk

haukur — Mon, 26 Feb 2007 21:48:08 +0000

Ást mín á hljómsveitinni Daft Punk hefur alla tíð verið heit og á stundum svolítið sveitt. Eins og 12 ára guttinn sem sagði föður sínum árið 1977 eftir að þeir sáu Star Wars í bíó að hann ætti sér enga ósk heitari en að eignast geislasverð, hefur mig alltaf langað í hjálm og hanska eins og Thomas Bangalter. Ég fæ tryllta nostalgíu við að rifja upp árið 1996 þegar ég og Magnoose sátum síðkvöldum yfir arfa slökum partyzone þætti á mtv í von um að sjá Daft Punk vídjó af þá nýútkomni Homework. Í dag er þetta öllu aðgengilegra á Youtube og á vafri mínu rakst ég þessa klippu sem sýnir hvaðan sömplin sem þeir nota koma.

http://www.youtube.com/watch?v=MJPdVVOmbz4

Það er nákvæmlega svona sem á að smala með stæl. Þarna er ekki einhver einhver gaur í ljósbrúnum Timberland skóm með gullkeðjur að smella langþreyttum takti undir vel þekkt Sting eða Stevie Wonder lag og kallandi sig svo hitt-meiking-pródúser. Þarna er verið að grafa upp löngu gleymdar og oft ófáanlega gersemar. Þær svo klipptar, skekktar, skrúfaðar og glæddar nýmóðins tíðnisviðum í þeim göfuga tilgangi að fá ólíklegasta fólk til að stjórnlaust hrista mjaðmirnar. Í slíka endurvinslu þurfa menn skills. Ég meina kommon það eru ekki allir sem hafa hjarta og þor í að taka bút úr Barry Manilow og gera úr því fyrsta sætis hittara (að sjálfsögðu með fullri virðingu fyrir legendinu B.M.).

Fyrir þá allra hörðustu, tjekkið á trailernum fyrir Electroma. Svo hönnuðu þeir þetta súper svala stofuborð á sínum tíma fyrir Habitat sem mætti hvenær sem er prýða stofu mína.